排jupas 真係一個好艱難嘅決定,可以話係鬥智鬥勇,

又要有足夠嘅策略,又要有返咁上下嘅進取。

好似講到jupas 係一場博奕咁,但其實背後嘅考量或多或少

都不外乎能力,興趣,前途之間嘅抉擇。依科夠唔夠分架?依科我又好似無咩興趣bo?

讀完依科又可以出黎做咩架?不過依架都仲未放榜,分呢,就盡力啦!

後兩個問題就幾時都要諗嘅。興趣同前途都可以兼顧到,

當然係最好啦,但如果兩樣野之間要有所取捨又應該點算呢?

首先,要問下自己係咪真係好有興趣先,

其實就算有興趣都唔一定要係大學讀嗰科,仲有好多其它唔同嘅方法去學到嗰科,

例如可以入左大學其它program 再take minor

或者double major。好有興趣講嘅唔係話中學讀嗰科覺得好開心咁簡單,

而係要自發去認識嗰一科嘅知識,睇下大學依科究竟要讀啲咩,

同咩嗰啲係咩黎,最實際嘅方法就係拎本大學教科書睇下,

睇下自己有無興趣繼續學落去。如果,你都仲好有興趣,

咁本書你又睇唔睇得明呢,會唔會覺得好難呢?如果覺得好難嘅話,

有無信心可以克服佢呢?始終大學一個sem(學期)得3個月,係3個月入面要讀一啲比dse更難嘅野,

如果自學能力唔夠,咁大學依四年應該會讀得幾辛苦。如果你覺得好輕鬆,

咁就恭喜閣下啦,應該義無反顧咁揀依科;但如果唔係嘅話都唔緊要嘅,始終有好多方法實現理想。

跟住落黎就等我介紹下我比較熟悉嘅科目,亦都係被譽為係一大水泡科嘅Science啦。往往Science都比人當係水泡,令到唔少想讀Science但又考得好高分嘅同學,棄Science,而揀其它科,但其實一樣有收得好高分,

專門比一啲有志做科研嘅同學仔嘅課程,如果咁多位同學自問有興趣,又有能力,又想讀Science,
現在港大、科大、中大也有給有志做科研嘅同學仔嘅課程!

希望香港可以有更多科研人才!你們贊同嗎?



http://www.tutorcircle.hk/blog/大學jupas揀科-理想定現實?/